覺得喺香港過 復活節 冇乜氣氛？想同朋友、屋企人過一個歡樂嘅 復活節 ？或者諗緊復活節好去處，但又驚周圍都迫滿人？今日由Wall Street English同大家介紹幾個喺歐美英語國家嘅傳統 復活節 習俗，等大家有idea 搞慶祝活動啦。
1. 復活蛋時間囊 Egg Time Machine
邀請親朋好友，當然包括自己，喺今年復活節寫低想對自己講嘅說話，放入復活蛋並搵個地方收埋。到出年打開呢個復活蛋時間囊，回味過去一年，會有咩感受？會有復活重生嘅感覺嗎？
2. 製作十字包 Bake Hot Cross Buns
十字包係加咗香料嘅甜麵包，通常用黑加倫子、葡萄乾或其他自己鍾意嘅果乾做餡料，製作簡單又好味。不妨試吓係復活節整呢款應節食品啦。
3. 繽紛復活蛋 Decorate Easter Eggs
體驗將烚蛋浸入食用顏料中，睇住啲蛋慢慢變成色彩繽紛嘅復活蛋，無疑係小朋友最享受嘅活動。染色後嘅復活蛋可以用嚟裝飾家居或復活節果籃，用完仲可以食埋佢。玩得、睇得、食得，kill THREE birds with one stone。
4. 復活蛋接力賽Egg Relay Race/ an Egg-and-Spoon Race
復活蛋除咗用嚟裝飾，仲可以用嚟玩接力賽！將參加嘅好友分成2-3人/組，然後每組分發一隻復活蛋，同一隻匙羹。每組嘅其中一位組員要手揸匙羹尾端，將復活蛋平衡喺隻羹上，然後該組員行或者跑去目標，然後返回原點，將復活蛋「交棒」俾另一位組員，最快完成嘅一組勝出。如果中途隻復活蛋跌咗，參加者要重新將蛋平衡喺羹上
示範影片：https://www.youtube.com/watch?v=vSG4mtTcsa0
5. 復活蛋說故事Resurrection Eggs
想同小朋友以互動形式講基督復活嘅故事？喺12隻復活蛋上寫上由1至12的數目字。根據故事嘅順序，喺每隻復活蛋內以序放入故事中出現嘅物件，例如驢仔、橄欖枝、最後的晚餐中食嘅無酵餅、用嘅酒杯、十字架等等。然後，將啲復活蛋收埋係屋企或花園唔同角落，讓小朋友尋找，邀請佢哋跟住數字順序打開復活蛋攞出物件，聽你講基督復活嘅事蹟。
復活節快樂！Happy Easter!
