有唔少 DSE 考生準備充足，但卻因為犯下一啲常見或唔小心嘅錯誤而失分，真係好唔抵㗎！
一於睇睇以下四個 DSE Speaking 常見錯誤失分位；錯少啲，自然高分啲！
Let’s discuss about…
Let’s talk about…
Let’s discuss…
如果大家「搶」到做第一個發言嘅組員而有好嘅發揮，的確係有「加分」嘅機會；但如果你一開始就講 “Let’s discuss about today’s topic”，咁就扣晒分喇！
因為 discuss 已經有 “about” 嘅含義 — “discuss” 後面應該直接講你要討論嘅話題。
換一種講法，Discuss 同 Tak about 係一樣嘅。
P.S. 其實唔一定要「爭做第一」先有機會高分，只要表現出色，最遲開始發言一樣有機會摘星㗎。
唔回應組員發言
有唔少考生一但「搶」到發言機會就會急不及待講晒自己準備好嘅 points 出嚟，之後完全唔回應其他組員，咁係錯誤嘅發言方法！
要知道，DSE Paper 4 Speaking Part A 係 “Group Discussion”，顧名思義係希望考生「討論」，而唔係你有你講，我有我講。
所以，大家應該係發言嘅前段簡略回應其他組員嘅發言，然後先講返自己嘅意見。
就算你一時之間諗唔到確實嘅回應，你都可以巧妙地「扮一扮」回應發言，以 “Yes, that’s a good idea”（這是個好主意）開始，或係你嘅發言內加入 “As you have mentioned”（正如你剛才所說）！
「一言堂」式嘅發言，係比較適合有一分鐘俾考生「暢所欲言」嘅 Part B Individual Response（個人回應）
每次發言都話 “I agree with you”
雖然回應組員嘅發言係好事，但如果你每次發言都係以 “I agree with you” 或相似句式開始，好容易會令考官覺得你「執人口水尾」。
更何況，如果你嘅發言係以 “I agree with you” 開始，但以自己嘅建議繼續，考官好有可能會產生誤會，誤當你嘅論點係上個發言者嘅論點！
所以，唔好因為一句講慣咗嘅 “I agree with you” 而輕易浪費自己「原創」嘅論點呀！
廣東話助語詞
呢一個常見錯誤係考評局嘅考試報告都有提及，就係發言夾雜廣東話助語詞，尤其是係習慣咗以 “la” 作結。
Practice makes perfect – 只要大家平時多啲以全英語溝通，自然會有所進步！
P.S. 英文嘅助語詞或口頭禪亦應該少講，例如唔好成日話 ”like…” 同 ”well”。
