有時候係專供外國菜嘅餐廳中所有侍應或員工都係外國人，聽唔明中文，自己英文麻麻搞到要指手劃腳咁表達，真係好尷尬。
快D學識以下食飯英文對話，啱晒鍾意出街食飯嘅你～
1. 唔想排隊排餐死先有得食嘅話，就要訂位先！
e.g. I would like to make a reservation for two at 7pm tomorrow, for Mary.
我想預訂聽晚 7 點嘅晚飯，兩位，聯絡人為 Mary。
2.訂咗位，去到餐廳點同接待嘅職員講？
e.g. Hello, I have a reservation for Mary.
你好，我係 Mary，預約咗用餐。
3. 跟住就要嗌嘢食喇！
e.g. I will have a Caesar salad.
我想要一個凱撒沙拉。
I’d like to have some French fries.
我想要一啲薯條。
P.S. 如果你係嚮快餐店 / 咖啡店買嘢食，記得係櫃檯落單時講明係堂食 (for here/ dine in) 定外賣 (take away/ to go)！
4. 咦，啲嘢食咁耐都未嚟嘅？
e.g. We have been waiting for quite some time. Can you follow up with our order?
我哋已經等咗好耐，你可唔可以跟進吓我哋嘅訂單？
5. 想叫侍應攞啲嘢嚟
e.g. Excuse me. Can I have some water?
唔該，可唔可以俾杯水我？
6. 我都唔係叫呢樣嘢食⋯
e.g. This isn’t what I ordered.
我冇叫呢樣嘢㗎。
7. 食唔晒，想打包返屋企添
e.g. Please wrap this up for me.
請問可唔可以幫我打包呢樣食物？
e.g. Can you give me a box?
可唔可以俾個盒我？
P.S. 其實打包仲有一個講法，就係 doggie bag。
點解咁叫嘅？原來因為唔想人哋覺得自己孤寒，所以就訛稱係帶啲剩餘食物俾屋企隻狗食。不過嚮比較高級嘅餐廳講 doggie bag 係唔禮貌嘅，所以大家盡量少用喇。
8. 唔該埋單！
e.g. I would like to pay the bill.
Can I have the check please?
我想埋單。
P.S. Check 係美式英文，而 bill 就係英式英文。所以，大家去美國旅行 / 係美式餐廳食嘢就用 check，而去英國時就記住用返 bill 喇！
如果你想問埋可唔可以俾信用卡：
Do you take credit cards?
你哋收唔收信用卡？
大家記住以上嘅字句，下次出街食飯就可以應對如流，絕不失禮喇！
