上一批居屋，你人工過了，無得抽吧。
退稅，能力太高，退唔到你嗎？
高齡津貼生果金，又未登六吧….
$4,000派錢？總有吧！
交通津貼呢…..?
咩都無？
政府持續進修基金CEF果兩萬蚊，你一定有啦！
以前用左，唔代表無。以前無用，唔代表依家唔用得。全部介乎18至65歲既香港人，都合資格申請持續進修基金CEF！政府仲要會係今年4月1日實施持續進修基金優化措施，資助上限由每人$10,000港元，加碼到$20,000港元。聽到係咪好興奮先？
錢唔用，就體現唔到錢既功用！CEF唔用，就體驗唔到身為香港市民與生俱來既權利！既然都係要讀，咁梗係用埋政府俾既錢去讀書進修！
至於讀咩好？小編個人認為，先唔好講自己興趣，第一件事要叮走果Ｄ三五七日內好似教到你識飛既課程，第二件事就係叮走果Ｄ無必要花幾萬蚊去學既課程。學習始終係一件好緩慢悠長既事，唔好話小編賣花讚花香，花時間同花錢去學習英文，起碼出門在外都溝通到嘛，返工寫個email都流暢Ｄ，讀梗書既學生做個功課都快Ｄ！
政府派錢，攞左之後，都要識得洗喲！
